menu

U cunsigliu municipale di Bastia è u so merre facenu umagiu à Pasquale Paoli

U Merre, u Cunsigliu municipale, a pupulazione di Bastia sò fieri è felici di fà umagiu à Pasquale Paoli, stu ghjornu d’oghje, u 6 di aprile di u 2014, chì hè l’anniversariu di a so nascita, 289 anni fà.

Pasquale Paoli, u Generale di a Nazione, u Babbu di a patria corsa, U babbu di a patria.
Pasquale Paoli, issa figura maiò di a storia universale di a demucrazia è di a libertà.
Pasquale Paoli, chì a so opera pulitica, ghjuridica, etica hà fattu dì à Voltaire, è dinù à tutta l’Europa di i Lumi: « L’Europa sana sana hè corsa ».
Di Paoli, di quellu ch’ellu fù è di ciò ch’ellu fece, ne simu propiu fieri.
È cun forza è umilità, pruveremu à esse degni d’ellu è di a so opera.

0 Cummenti

Laisser un commentaire