menu

Almanaccu di a festa di a lingua in Bastia

A Festa di a lingua in ‪‎Bastia‬ : una prugrammazione muderna è di prima trinca per una ‪‎lingua viva‬. 30 ghjorni, 40 avvenimenti.

Prugrammazione :

affiche officielle de la fête de la langue à Bastia

affiche officielle de la fête de la langue à Bastia

Dumenica u 31 di maghju di u 2015 :

– L’Atelier du conte bastiais : Da 9ore à 11ore di matina fole cuntate in i caffè di a Piazza Santu Niculà po da 11ore di matina à meziornu fole cuntate per i zitelli in u giardinu di a merria di u Mercà

– In partinariatu cù l’Associu Cardu in Festa à parte si da 4ore di dopu meziornu : China tradiziunale in lingua corsa seguitata da un spostu di  Jean Chiorboli nant’à u sugettu : « La légende des noms de famille, appellations d’origine corse » animazione data da u gruppu a Sciappittana

Luni u 1 di ghjugnu di u 2015 :

– 6ore di sera in caffè u « Majestic »  Prima stonda immersiva nant’à u sugettu  :  » U Sporting, di più chè cusì ?  » da prisentà la sta stonda : Didier Grassi è Olivier Balbinot. 1 Rue du Commandant Luce de Casabianca

Marti u 2 di ghjugnu di u 2015 :

– 8ore di sera « Blind Test »  in lingua corsa à u Flying Circus ,  (In partinariatu cù l’associu Mantinum è a squadra di A Piazzetta) Boulevard Hyacinthe de Montera, 20200 Bastia 8ore di sera

Mercuri u 3 di ghjugnu di u 2015 :

– 5ore di sera in u giardinettu di u Liceu Jean Nicoli secondu scontru litterariu cù a squadra di A Musa Nostra.

– À parte si da 7ore di sera, una serata Paghjella hè prevista à u « Sax »  : Rue neuve San Roccu

Ghjovi u 4 di ghjugnu di u 2015 :

– 6ore di sera Cucina corsa : « Eri, oghje è dumane ».  Stonda immersiva in l’usteria l’Acquale, dibattitu capitanatu da Ghjuvan’Petru Acquaviva è Vicensu Tabarani. Un buccone serà prupostu à l’invitati. 3 Rue Neuve Saint-Roch, 20200 Bastia

Venneri u 5 di ghjugnu di u 2015 :

– 9ore di sera : Cuncertu di u gruppu l’Attrachju nant’à u Mercà di Bastia

Sabbatu u 6 di ghjugnu di u 2015 :

– 10h Cunferenza/dibattitu incù dui dutturanti di l’università di Corsica  Anghjulu Santu Pietrera : « Trà Storia è litteratura in u XIXmu. Cumpone è sfruttà i miti naziunali »  è Paulu Turchi : « Impiantazione corsa in Roma da l’8mu à u 17esimu seculu « , Parcu Mandela à parte si da 10 ore di matina

– 9ore di sera Cuncertu di u gruppu Isulatine Catedrale Santa Maria Citadella di Bastia

Dumenica u 7 di ghjugnu di u 2015

– L’atelier du conte bastiais : De 9ore di matina à Meziornu : Da 9ore à 11ore Fole cuntate in i caffè di a Piazza Santu Niculà po da 11ore à meziornu  fole cuntate  per i zitelli in i giardini di a merria di u Mercà

– China tradiziunale in merria di u Mercà

Luni l’8 di ghjugnu di u 2015 :

– Quizz in lingua corsa ind’u caffè : Flying circus,   Boulevard Hyacinthe de Montera, 20200 Bastia 20h

Marti u 9 di ghjugnu di u 2015 :

– 6ore di sera : Scontru à u Coworking di Bastia :  » lingua corsa : arnese di riescita prufessionale ?  » Dibattitu capitanatu da Vanina Bernard Leoni cù a participazione di Jean Jacques Torre, Vincent Perfettini  a squadra di Compru in Corsu è Sarah Defranchi di Qwant)  26 rue Carbuccia, 20200 Bastia

Mercuri u 10 di ghjgnu di u 2015

– 2ore di di dopu meziornu Challenge P.A.M di Corsica incù a cyberbase di Bastia

– 9ore è mezu di matina : Visita di a cità di Bastia urganizata da Silvia Casalta da scopre u so patrimoniu baroccu, a sera un cuncertu di e cunfraterne bastiacce hè previstu  in San Ghjuvà cù e cunfraterne di San Carlu, San Ghjiseppu, San Roccu è Santa Croce à parte si da 8ore di sera

Ghjovi l’11 di ghjugnu di u 2015 :

– Mostra di Cup Song è raprisentazione di i sculari bastiacci è di u circondu sott’à un tendone di a piazza Santu Niculà.

Venneri u 12 di ghjugnu di u 2015 :

– 6ore di sera in piazza Guasco (Citatella) :  » A piazza di a Donna in a sucetà corsa » dibattitu capitanatu da Ghjermana De Zerbi cù a participazione di Marie Ferranti, Laurence Cardi, Patrizia Poli, Edmond Simeoni,  po One Women Show di Patrizia Gattaceca

Sabbatu u 13 di ghjugnu di u 2015 :

– 10ore è mezu di matina : L’associu Girasole prupone una discursata capitanata da Mma Mathilde Alfonsi  » A vita in carrughju culunella in l’anni 60″  in piazza d’À di Bastia.

– 7ore di sera stonda immersiva à u Corsica Bar in giru à a tematica  :  » U Mercà tempi fà tempi d’oghje » , Dibattitu capitanatu da Jean Jacques Dussol.

Dumenica u 14 di ghjugnu di u 2015 :

– 10 ore di matina : Spassighjata in carrughju misteriosu cù l’associu Mantinum, scuperta di u Patrimoniu è induvinelle in lingua corsa.

– 6ore di sera in San Ghjuvà di Bastia : Resa di l’attellu di cantu di Jacky Micaelli, pulifunie prufane è sacre

Luni u 15 di ghjugnu di u 2015 :

– 6ore di sera Centru culturale Una volta : « Lingua corsa è media isulani »: inghjochi è perspettive » cù Sebastien Tieri è Jacky Poggioli è i studienti di u D.U  giurnalisimu, u scontru serà seguitatu da una pruiezzione  di u ducumentariu  « U Simbulu di a Testa Mora » di Jackie Poggioli Rue César Campinchi, 20200 Bastia

Marti u 16 di ghjugnu di u 2015 :

– 6ore di sera in Bibbiuteca centrale di Bastia : Prisentazione di l’attelli di scrittura bislingui di a bibbiuteca centrale seguitata da una prisentazione cantata di l’opera di Michele Sammarcelli, chì hà messu in musica autori è pulitichi  ( Marie-Jean Vinciguerra, Ghjorghju de Zerbi, Alain Di Meglio Ghjacumu Thiers, Ghjacumu Fusina, Patrizia Gattacecca, Edmond Simeoni….)Place du Théâtre, 20200 Bastia

Mercuri u 17 di ghjugnu di u 2015 :

– 9ore di sera : Corte di u Palazzu di i Guvernatori, Isula Session incù u cullettivu  Art/Mouv è Soledonna, una creazione in gir’à u ballu cuntempuraneu è u cantu tradiziunale (Soledonna)

Ghjovi u 18 di ghjugnu di u 2015 :

– 6ore di sera à u Coworking di Bastia (26 rue Carbuccia, 20200 Bastia) : Apero meeting dans le cadre de Bastia Ville digitale nant’à a tematica  » Lingua corsa è arnese digitale d’amparera » ,   Rumanu Colonna, Francescu Santoni, Lionel Dumas (Id Pimento) Julien Angelini, Sarah Defranchi, Petru Paulu de Casabianca , Letizia Baldi, Sebatien Quenot Paulu Matteu Santucci,  Francescu MariaPerfettini, Compru in Corsu, Ghjacumu Thiers – I cullegenti di Biguglia prisenteranu in teatru Sant’Anghjulu una mostra di cantu è teatru

– 6ore di sera l’associu Girasole prupone : « Una stonda sott’à l’arte » cù Gaby Mamberti seguitata da un scontru in gir’à a tematica :  » identità e creazione » Attellu d’arte « Palazzu Cardi  » rue des Terrasses

Venneri u 19 di ghjugnu di u 2015 :

– À parte si da 2ore di dopu meziornu in teatru municipale di Bastia a scola Campanari ci pruponerà u so spettaculu di fine d’annata in gir’à e fole è l’Udissea.

– Terza stonda immersiva, à parte si da 6ore di sera  » Ricordi citatini è paisani  » caffè di u Machjò cù Cesariu Raffini seguitata da un ‘animazione musicale cù u gruppu Incantesimu

– 8ore è mezu di sera  « E la nave và » Pruiezzione di travagli fottograffichi rializati da l’elevi di a scola Charpak in Piazza Guasco

Dumenica u 21 di ghjugnu di u 2015 :

– Festa di a musica

Marti u 23 di ghjugnu di u 2015 :

– San Ghjuvà

Ghjovi u 25 di ghjugnu di u 2015 :

– Spettaculu di fine d’annata di a scola Subissi à parte si da 3ore di dopu meziornu in teatru municipale di Bastia :  » Per l’alta strada

Venneri u 26 di ghjugnu di u 2015 :

– 6ore di sera : L’associu Girasole prupone una Scola è un Ballu di quatrigliu, iniziazione è mostra  in piazza di u mercà.

– 7ore di sera  » Happening nustrale » in citadella di Bastia , incù a cumpagnia Mine de Rien (Ballu virticale, cantu corsu, musica electro), Saveria Tomasi (ballu cuntempuraneu) è u gruppu Tavagna

– 10 ore Chjachjarata in giru à l’opera di Ghjacumu Thiers è u « Rumanzu bastiese »                                5ore di sera di sera Banda Mediterranea : « Blitz teatrali » (Tuscani, Napulitani, Veneziani è Corsi) per un Happening in carrughju Napuliò po à falà nant’à u portu,

– 7ore di sera,una pezza chjamata « Sott’à l’acqua » una pruduzzione di u teatrinu in a scalinata di u giardinu Romieu

 

L’edizione 2015 di a « Festa di a lingua  » in Bastia, prupone un prugramma diviziosu assai per tuttu u mese di ghjugnu.
Rispundendu à a chjama à prugetti lampata da a CTC chì stende à l’oramai a so manifestazione nant’à un mese sanu, a municipalità hà in core d’accresce a so azzione pulitica, è d’andà versu un rinforzu di u so impegnu à favore di a lingua corsa.

Sò più d’una vintina di partinarii ad affiancà ci per st’edizione di u 2015 partInarii ch’anu da participà à st’evenimentu è risponde à a vulintà nostra di dà una virsura participativa è populare à l’andatura.

Una festa di a lingua chì s’arremba nant’à patrimoniu è prugettu, chì mischja i publichi, e stazze, e discipline, da 7 à 77 anni da u scularu à a barba bianca, da u “cup song” à a china tradiziunale.

Una festa di a lingua chì si scrive in una perspettiva muderna assai, senza scurdà ci di i puntelli di a nostra identità, avemu vulsutu dà una virsura volta ver’di dumane, una lingua capace à varcà l’inciampu di a museificazione atta à risponde à e sfide di dumane.

U nostru patrimoniu materiale ricchezza laudata da tutti serà messu in risaltu, ma ùn ci scurderemu di quelli chì u facenu campà à l’annu, furmiculoni chì si danu di rimenu (Associi, cunfraterne…).

Una festa di a lingua tracarca à surprese è nuvità , per a prima volta in Bastia si cruceranu e forme, e discipline, i lochi, e stazze, i publichi…

Da Cardu à Lupinu, da l’happening à forme più cunvenute, da a serata paghjella à i scontri in gir’à e T.I.C, da a « spassighjata in carrughju misteriosu » à a china tradiziunale, infine da a “langue objet” à a “langue projet”.

Spettaculi vivi seranu pruposti, da u cuncertu prufanu à u sacru, da a pulifunia à a musica electro, da u “one women show” à l’ “happening” teatrale, da u ballu cuntempuraneu à u ballu verticale.

Durante issu mese di ghjugnu seranu messe in ballu e “stonde” , scontri immersivi in gir’à tematiche diverse, a lingua corsa vennerà à innacquà i stabilimenti di Bastia è u so circondu da u caffè populare à u “caffè lounge”.

« Inventer un lieu pour une langue qui n’en connaît plus, ou plus guère ; un lieu de la récupération immédiate, où les hiérarchies sont soudains gommées ».

Ci ne serà per tutti, invitemu i citatini à gode tutti sti mumenti è à participà, è purtà a so petricella à l’edificiu linguisticu :  » Per fà la campà « 

2 Cummenti

  1. estrimei

    salute ,

    – quande vò scrivite « capitanatu  » vole dì direttu dà ?
    – vuleria sapè si u scontru di u Luni di u 15 di ghjugnu di 2015 :-hè apertu a tutti ? s’ellu ci serà un cuntrastu ? s’ellu si ferà in lingua corsa ?

    Répondre
  2. estrimei

    e miò dumande sò state pete sumerine .

    a ringraziavvi
    più ne sà , più n’adopri….

    Répondre

Laisser un commentaire